D.  O.  M.
HIC VOCEM ANGELI RESVRRECTIONIS
ET ADVENTVM MAGNI DEI ET SALVATORIS IESV CHRISTI
FRANCISCI MARIAE CARDINALI BRANCATI EPISCOPI PORTVEN
OSSA CINERESQ EIVSDEM PECCATORIS EXPECTANT
OBIIT ANNO MDCLXXV AETATIS LXXXIII

HANC NVDI NOMINIS NVDOQ IN LAPIDE
NON LAVDIS NON SCVLPTVRAE ORNAMENTO
DECORATAM EPIGRAPHEM
VTI TESTAMENTO ILLE RIGOROSE PRAESCRIPSERAT
SIC OPERE RELIGIOSE INSCRIPTAM VOLVIT POSVITQ
STEPHANVS ARCHIEPISCOPVS BRANCATIVS EPVS VITERBIENSIS
EX FRATRE NEPOS ET HERES
NE TANTO PATRVO MODERATIONIS
SIBI OBEDIENTIAE GLORIAM INVIDERET
ANNO SALVTIS MDCLXXIX
ALIO LOCO TANTIS VIRTVTIBVS TANTISQVE IN SE BENEFICIIS
MONVMENTVM DIGNVS EXCITATVRVS