EMINENTISSIMO PRINCIPI NONIO A CUNHA
TIT S ANASTASIAE PRESBYT S R E CARDINALI
OMNIUM PORTUGALLIAE REGIS PROVINCIARUM
INQUISITORI GENERALI
QUOD VETUSTISSIMA HANC BASILICAM
PRIMIS AERAE CHRISTIANAE SECULIS AEDIFICATAM
AC COMPLURIUM SUMMORUM PONTIFICUM
TUM ETIAM CARDINALIUM TITULARIUM
PIA CURA MULTOTIES RESTITUTAM ORNATAMQUE
POSTREMIS HISCE TEMPORIBUS
MISERE FATISCENTEM ET EXCIDIO PROXIMAM
RESARTO TECTO ADDITO LAQUEARI
PARIETIBUS AD LIBELLAM REVOCATIS ATQUE DIRECTIS
UTRAQUE LATERALI NAVI CONCAMERATA
PRISTINO ANTIQUIS COLUMNIS REDDITO NITORE
NOVIS APERTIS FENESTRIS
NOVA ITIDEM INTERIORI EXTRUCTA PORTICU
ATQUE ODEO SUPERIMPOSITO
AEQUATO STRATOQUE PAVIMENTO
INSTAURATA FRONTE AMPLIFICATA AREA
AC UNIVERSI AEDIFICI SQUALLORE DETERSO
NON TANTUM AB INTERITU VINDICAVERIT
ET ADVERSUS AEVI DAMNA FIRMAVERIT
SED ELEGANTIOREM IN SPECIEM RESTITUERIT
REPARATORI MUNIFICIENTISSIMO
CAPITULUM ET CANONICI
GRATUM ANIMUM DECLARATURI
MISSAM SOLEMNEM IPSIS ASSISTENTIBUS
ET DUODECIM ALIAS MISSAS LECTAS
EO VIVENTE PRO UITAE DIUTURNITATE
DIE XXI JULII QUA TITULI POSSESSIONEM ASSUMPSIT
EO MORTUO DIE OBITUS PRO ANIMAE SUFFRAGIO
PERPETUIS FUTURIS TEMPORIBUS CELEBRANDAS
UNANIMI CONSENSU DECREVERUNT
ET AD POSTERITATIS NOTITIAM
ACCEPTORUM BENEFICIORUM
AC SIMUL CAPITULARIS DECRETI
MONUMENTUM POSUERE
ANNO SAL MDCCXXII